Бөлүмдөр
Жекшемби, 21-октябрь
Ош облусуКара-Суу району 19.01.2018 11:43

Кара-суулуктар үй-бүлөлүк медицина борборунун жаңы имаратын курууну сунушташты

Turmush -  Кара-Суу шаарында кечээ, 18-январда элдик жыйын уюштурулуп, аймакты өнүктүрүү маселесин талкуулашты. 450 адам чогулган жыйында алгач Кара-Суу шаарынын мэри Кутугалы Козубаев 2017-жылы аткарылган иштер боюнча маалымат берип, 2018-жылдагы планга токтолду.

Маалым болгондой, 2018-жылы районго үй-бүлөлүк медицина борборунун жаңы имаратын куруу боюнча Саламаттыкты сактоо министрлигине сунуш берилди. Мындан сырткары, Кара-Суу шаарынын тазалыгы, жол боюндагы үйлөрдүн көрүнүшү, мыйзамсыз курулуштарды, жолго чейин чыгып кеткен имараттарды иретке келтирүү маселелери айтылды.

Аталган жыйынга Ош облусунун жетекчиси Таалайбек Сарыбашев, Саламаттыкты сактоо министрлигинин статс-катчысы Калысбек Шадыканов, Кара-Суу районунун акими Тилек Матраимов жана саламаттыкты сактоо мекемелеринин жетекчилери катышты.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×