Бөлүмдөр
Жекшемби, 21-октябрь
Ош облусуКара-Суу району 06.02.2018 12:33

Кара-Сөгөттө акыркы 2 жумада 10дой жылкыны карышкырлар жеп кетти

Turmush -  Кара-Суу районунун Катта-Талдык айыл өкмөтүнө караштуу Кара-Сөгөт айылындагы талаадан карышкырлар эки жума ичинде 10дой жылкыны жеп кетти. Бул тууралуу жергиликтүү тургун Нурбек Мамытов билдирди.

Анын айтымында, 4-февралда да карышкырлар 2 чоң бээни жок кылышкан.

«Буга чейин 10дой жылкыны карышкырлар жеп кеткен. 4-февралда, андан 3-4 күн мурун дагы кол салуулар болду.

Жылкылар айылдагы Кара-Жылга жана анын айланасындагы жайыттарда жүрөт. Быйыл кыш жеңил болгону үчүн жылкыларды үйгө алып келген эмеспиз. Бул жылы карышкырлар абдан күч алды», - деди ал.

Ал эми, Катта-Талдык айыл өкмөтүнүн башчысынын орун басары Казыбек Тажибаев аталган айылдын жашоочулары тарабынан карышкырлар боюнча маалымат түшпөгөнүн билдирди.

Жергиликтүү тургундун айтымында, былтыр карышкырлар 5-6 жылкыны зыянга учуратышкан.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×