Бөлүмдөр
Жекшемби, 21-октябрь
Ош облусуКара-Суу району 23.04.2018 10:56

Кара-Сууда 26 жаштагы жигитти өлтүрө сүзүп, качып кеткен жүк ташуучу унаанын айдоочусу кармалды

Turmush -  Кара-Суу районунда оор жүк ташуучу унаа менен 26 жаштагы жигитти өлтүрө сүзүп, качып бараткан айдоочу кармалды. Бул тууралуу ОИИБдин жол кыймылынын коопсуздугун камсыздоо бөлүмүнөн билдиришти.

Аталган түзүмдүн маалыматына караганда, 18-апрелде саат 09:00 чамасында Кара-Суу районунун Шарк айыл өкмөтүнүн Мачак тилкесинде «DAF» үлгүсүндөгү оор жүк ташуучу унаа жөө жүргүнчүнү сүзүп кеткен. Окуя болгон жерде Чоң-Алай районунун 1992-жылы туулган тургуну Б.М. каза болгон.

Тескөөчүлөрдүн жана криминалдык милиция бөлүмүнүн кызматкерлеринин ыкчам аракеттеринин негизинде Жайыл районунун 1973-жылы туулган тургуну Т.У. Өзгөн районунда колго түшүрүлдү. Ал Бишкек шаары тарапка качып бара жаткан.

Учурда тергөө иштери улантылып жатат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×