Бөлүмдөр
Жума, 19-октябрь
Ош облусуКара-Суу району 22.05.2018 14:50

Кара-Суудагы жол кырсыктан 8 адам жабыркады, кичүүсү 4 жашта (фото)

Turmush -  Кечээ, 21-майда Кара-Сууда 2 автоунаанын катышуусундагы жол кырсыктын кесепетинен жаракат алган 8 адам ооруканага жеткирилди.

Ош облусу боюнча жол кыймылынын коопсуздугун камсыздоо бөлүмүнөн билдиришкендей, окуя саат 13:00 чамасында ОшБишкек унаа жолунун 48-чакырымында болгон.

Такталган маалыматтар боюнча, Кара-Суу районунун Отуз-Адыр айылында Ош шаарынын 1980-жылы туулган тургуну К.А. башкарган «Мерседес-Бенц» үлгүсүндөгү автоунаа каршы тилкеге чыгып, 27 жаштагы айдоочу башкарып бара жаткан «Хонда Фит» унаасы менен кагышкан. Анын кесепетинен 2 автоунаадагы жалпы 8 адам тез жардам кызматынын унаасы менен ооруканага жеткирилди. Жабаркагандардын арасында 4 жаштагы бала бар.

Бул факты боюнча тиешелүү экспертизалар дайындалып, тергөө иштери жүргүзүлүп жатат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×