Turmush — Бүгүн, 12-апрелде президент Садыр Жапаров иш сапарынын алкагында Кара-Суу районуна келди. Бул тууралуу Ош ОИИБдин басма сөз кызматы билдирди.
Анда өлкө башчысы бир катар компаниялардын ишмердүүлүгү, автожол курулуш иштеринин жүрүшү менен таанышып, райондук үй-бүлөлүк медицина борборунун ачылуу аземине катышты.
Бул арада милиция кызматкерлери жол кыймылына чектөөлөр киргизилген аймактарда коомдук тартипти жана жол кыймылынын коопсуздугун камсыз кылуу максатында жарандарга айланып өтүүчү альтернативалык багыттарды көрсөтүп, түшүндүрүү иштерин жүргүзүштү.